La lettre en amazighe

La lettre en amazighe

La lettre en amazighe (berbère)

Publiée par Lettre aux parents confinés sur Mardi 21 avril 2020
ⵜⴰⴱⵔⴰⵜ ⵉ ⵉⵎⴰⵔⴰⵡⵏ ⵉⵜⵜⵓⵥⵍⴰⵏ

ⵏⵓⴼⴰ ⵉⵅⴼⴰⵡⵏ ⵏⵏⵖ ⵏⵎⵓⵏ ⴳ ⵜⵡⴰⵛⵓⵏⵜ.
ⵄⵎⵎⴰⵕⵚ ⵡⴰⵔ ⵏⵇⵇⵉⵎ ⴰⵣⵎⵣ ⴰⴷ ⴰⵣⵉⵔⴰⵔ ⴰⴽⴷ ⵜⴰⵔⵡⴰ ⵏⵏⵖ.
ⴷ ⵡⴰ ⴷ ⴰⵣⵎⵣⵣⵓ ⴷ ⵢⵓⵙⴰⵏ ⵃⵎⴰ ⴰⴷ ⵏⵙⵙⵉⵡⵍ ⴰⴽⴷ ⵜⴰⵔⵡⴰ ⵏⵏⵖ ⵓⴳⴰⵔ
ⵣⴳ ⵓⵎⵣⵡⴰⵔ.
ⴷ ⵡⴰ ⴷ ⴰⵣⵎⵣⵣⵓ ⴷ ⵢⵓⵙⴰⵏ ⵃⵎⴰ ⴰⴷ ⴰⵙⵏ ⵏⵙⵃⵙⵙ ⵓⴳⴰⵔ ⵣⴳ ⵓⵎⵣⵡⴰⵔ.
ⴷ ⵡⴰ ⴷ ⴰⵣⵎⵣⵣⵓ ⵃⵎⴰ ⴰⴷ ⵜⵏ ⵏⵙⵙⵏ ⴰⵎⵓⵅ ⵉⵛⵡⵡⴰⵕ.
ⴰⴷ ⵏⵙⵙⵉⵡⵍ ⴰⴽⴷ ⵜⴰⵔⵡⴰ ⵏⵏⵖ, ⴷ ⵡⴰ ⴷ ⵍⵎⵓⵀⵉⵎ ⵃⵎⴰ ⴰⴷ ⵏⵣⵎⵎⵔ ⴰⴷ
ⵏⵄⴷⵓ ⵎⴰⵏⴰⵢⴰ ⴰⴽⴷ ⵡⴰⵢⴰⵡⵢⴰ: ⴰⴷ ⵏⵡⵛ ⵍⴰⵎⴰⵏ, ⴰⴷ ⵏⴳⴳ ⴼⵓⵙ ⴳ ⵓⴼⵓⵙ,
ⴰⴷ ⵏⵉⵏⵉ ⵜⵉⵖⴰⵡⵙⵉⵡⵉⵏ ⵜⵉⵏⴼⵔⴰⵔⵉⵏ.
ⴰⴷ ⵏⵙⵙⵉⵡⵍ ⴰⴽⴷ ⵜⴰⵔⵡⴰ ⵏⵏⵖ, ⵃⵎⴰ ⴰⴽⵉⴷⵙⵏ ⵏⵎⵓⵏ, ⵃⵎⴰ ⴰⴽⵉⴷⵙⵏ
ⵏⴱⴷⴷ ⵃⵎⴰ ⴰⴷ ⴳⴳⵏ ⵜⴰⵡⵓⵔⵉ ⵏⵏⵙⵏ: ⴰⴷ ⵏⵙⵙⵉⵡⵍ ⴰⴽⵉⴷⵙⵏ ⵅⴼ ⵜⵉⵏⵎⵍ,
ⵅⴼ ⵜⵡⵓⵔⵉ, ⵅⴼ ⵜⵉⴳⵯⴷⵉ ⵏⵏⵙⵏ, ⵅⴼ ⵓⵎⵓⵔⵙⵏ. ⴷ ⵎⴰⵏⴰⵢⴰ ⵎⵉⵏⵣⵉ ⵖⴰ
ⵓⴳⵓⵔⵏ ⵖⴰⵔ ⵣⴷⴰⵜ ⴳ ⵜⴰⵙⵙⴰⵙⵜ ⴰⴷ ⴷ ⴰⵜⵛⵎⵉ ⵖⴰ ⴷⵡⵍⵏ ⵖⵔ ⵜⵉⵏⵎⵍ.
ⵜⵉⵡⵓⵔⵉⵡⵉⵏ ⴷ ⵉⵜⵜⴰⵙⵏ ⵙⴳ ⵜⵉⵏⵎⵍ ⴷ ⵉⵊⵊ ⵏ ⵓⵣⵎⵣⵣⵓ ⵉⵛⵏⴰⵏ ⵃⵎⴰ ⴰⴷ
ⵅⴰⴼⵙⵏⵜ ⵏⵙⵙⵉⵡⵍ.
ⵣⵎⵎⵔⵏ ⵉⵃⵏⵊⵉⵔⵏ ⴷ ⵜⵃⵏⵊⵉⵔⵉⵏ ⴰⴷ ⵙⵙⴼⵔⵓⵏ ⵉ ⵉⵎⴰⵔⴰⵡⵏ ⵏⵏⵙⵏ ⵎⵉⵏ
ⵔⵎⵙⵏ ⴷ ⵎⵉⵏ ⵡⴰⵔ ⵔⵎⵉⵙⵏ, ⵎⵉⵏ ⵉⵀⵡⵏⵏ ⴷ ⵎⵉⵏ ⵡⴰⵔ ⵉⵀⵡⵉⵏⵏ.
ⵏⵣⵎⵎⵔ ⴰⴷ ⵍⴰⵖⴰ ⴳⵉ ⵜⵜⵉⵍⵉⴼⵓⵏ ⵉ ⵛⴰ ⵏ ⵅⴰⵍⵜⵉⵙ ⵏⵉⵖ ⵅⴰⵍⵉⵙ ⵏⵉⵖ
ⵛⴰ ⵏ ⵓⵎⴷⴷⴰⴽⴽⵯⵍ ⵏⵉⵖ ⵛⴰ ⵏ ⵜⴰⴷⵊⴰⵕⵜ ⵃⵎⴰ ⴰⴷ ⵏⴼⵀⵎ ⴰⵎⵓⵅ
ⵉⵛⵡⵡⴰⵕ.
ⵏⵣⵎⵎⵔ ⴰⴷ ⵏⴳⴳ ⵎⴰⵏⴰⵢⴰ ⴰⴽⴷ ⵡⴰⵢⴰⵡⵢⴰ, ⵡⴰⵅⵅⴰ ⵉⵍⴰ ⵏⵜⵖⵉⵔ ⵡⴰⵔ
ⴰⵙ ⵏⵙⵙⵉⵏ ⵛⴰ.
ⵜⵜⵙⵙⴽⴽⴰⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵉⵍⵓⵖⵎⴰ ⵉ ⵉⵃⵏⵊⵉⵔⵏ ⴷ
ⵜⵃⵏⵊⵉⵔⵉⵏ ⵉ ⵙⵙⵏⵏ ⴰⴷ ⵜⵏ ⴳⴳⵏ.
ⵜⵜⵙⵙⴽⴽⴰⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵓⵍⴰ ⴷ ⵉⵍⵓⵖⵎⴰ ⵉⵛⵇⵇⴰⵏ ⵅⴼ
ⵉⵃⵏⵊⵉⵔⵏ ⴷ ⵜⵃⵏⵊⵉⵔⵉⵏ ⵎⴰⵛⴰ ⵜⵣⵎⵎⵔⵏ ⴰⴷ ⴰⵔⵎⵏ ⴰⴷ ⴳⴳⵏ, ⴽⵙⵙⵉⵏ ⴰⴽⵓⴷ
ⴰⵙⵏ ⵉⵅⵚⵚⵏ ⵃⵎⴰ ⴰⴷ ⵔⵣⵓⵏ ⴰⴷ ⵔⵎⵙⵏ, ⴰⴽⵉⴷⵡⵎ, ⴰⴽⴷ ⵉⵙⵇⵙⵉⵜⵏ ⵏⵏⵡⵎ,
ⵙ ⵓⵎⵙⴳⴷⴰⵍ ⵅⴰⴼⵙⵏ.
ⵛⴰ ⵏ ⵜⵡⴰⵍⴰⵜⵉⵏ ⵉⵜⵜⵉⵍⵉ ⵎⴰⵏⴰⵢⵏⵏⵉ ⵉⵡⵄⵕ ⴰⵟⵟⴰⵚ: ⵓⵔ ⵉⵍⵍⵉ ⴷ
ⴰⵎⵓⴽⵔⵉⵙ, ⵎⴰⵏⴰⵢⵏⵏⵉ ⴰⴷ ⵜⵥⵕⵏ ⴰⵜⵛⵎⵉ ⵖⴰ ⴷⵡⵎⵏ ⵖⵔ ⵜⵉⵏⵎⵍ.
ⵙⵙⵇⵙⴰⵎ ⵜⴰⵔⵡⴰ ⵏⵏⵎⵡ ⵅⴼ ⵎⵉⵏ ⵔⵎⵙⵏ ⵡⴰⵅⵅⴰ ⵏⵏⴰⵏ ⴰⵡⵎ ⵓⵔ ⵔⵎⵉⵙⵏ
ⵡⴰⵍⵓ.
ⵉⵏⵉⵎ ⴰⵙⵏ ⵎⵉⵏ ⴷⵉ ⵜⵅⴰⵕⵕⵚⵎ, ⵔⵣⵓⵎ ⴰⴷ ⵜⴼⵀⵎⵎ ⴰⴽⴷ ⵡⴰⵢⴰⵡⵢⴰ.
ⵡⵓⵔ ⵏⵔⵣⵓ ⵛⴰ ⴰⴷ ⵜⵎⵃⴹⵎ ⵎⴰⵕⵕⴰ ⵎⴰⵏⴰⵢⵏⵏⵉ ⵎⴰⵛⴰ ⵏⵅⵙ ⴰⴷ ⵢⵉⵍⵉ
ⵓⵅⴰⵕⵕⵚ ⴰⴽⴷ ⵡⴰⵢⴰⵡⵢⴰ.

ⵉ ⵉⵎⴰⵔⴰⵡⵏ ⵍⵍⵉ ⵙⴰⵡⴰⵍⵏ ⴽⵔⴰ ⵏ ⵜⵓⵜⵍⴰⵢⵜ ⵢⴰⴹⵏ ⵅⴼ ⵜⵉⵏ ⵏ
ⵜⵉⵏⵎⵍ:

“ⵙⴰⵡⵍ” ⴷ “ⵉⵏⵉ ⴷ ⵙⵙⴼⵍⴷ”, ⴷ “ⵙⵙⴳⴷⵍ”, ⴷ “ⴱⴹⵓ”, ⵎⴰⵏⴰⵢⴰ ⴳ
ⵜⵓⵜⵍⴰⵢⵜ ⵏⵉⵖ ⴳ ⵜⵓⵜⵍⴰⵢⵉⵏ ⵉ ⵏⵅⵙ, ⵜⵓⵜⵍⴰⵢⵜ ⵓⵎⵉ ⴽⴷ ⵏⴻⵏⵏⵓⵎ ⴳ
ⵜⵡⴰⵛⵓⵏⵉⵏ ⵏⵏⵖ.
ⵎⴰⵕⵕⴰ ⵜⵓⵜⵍⴰⵢⵉⵏ ⵛⵏⴰⵏⵜ, ⵎⴰⵕⵕⴰ ⵜⵓⵜⵍⴰⵢⵉⵏ ⴷ ⵜⵓⴱⵖⵉⵔⵉⵏ.
ⵜⵓⵜⵍⴰⵢⵉⵏ ⴰⴷ ⴷⴰⵔⵙⵏⵜ ⴰⵜⵉⴳ ⵉⴼⵓⵍⴽⵉⵏ
ⴱⴰⵛ ⴰⴷ ⵜⵏⵜ ⵏⵙⴰⵡⵍ
ⴰⴽⴷ ⵜⴰⵔⵡⴰ ⵏⵏⵖ.
ⵜⵓⵜⵍⴰⵢⵉⵏ ⴰⴽⴽⵯ, ⴳⵉⵏⵜ ⵜⵓⴱⵖⵉⵔⵉⵏ ⵃⵎⴰ ⴰⴷ ⵏⵜⵜⵔ, ⴰⴷ ⵏⵉⵏⵉ, ⴰⴷ
ⵃⴰⵡⵍ ⵏⵉⵖ ⴰⴷ ⵏⵃⵓⵥⵥⵕ, ⴰⴷ ⵏⵎⵏⵖ, ⴰⴷ ⵏⴰⵍⵙ ⵜⵉⵏⴼⵓⵙⵉⵏ, ⴰⴷ ⵏⵙⵙⴼⵔⵓ,
ⴰⴷ ⵏⴹⵚⵚⴰ ⴰⴽⴷ ⵡⴰⵢⴰⵡⵢⴰ ⵏⵖⴷⴷ ⴰⴷ ⵏⵙⴰⵡⵍ ⵅⴼ ⴰⴽⴽⵯ ⴷ ⵡⴰⵍⵓ.
ⵙⵙⵎⵔⵙⵎ ⵜⵓⵜⵍⴰⵢⵜ (ⵏⵉⵖ ⵜⵓⵜⵍⴰⵢⵉⵏ) ⵉⵀⵡⵏⵏ. ⵜⵓⵜⵍⴰⵢⵜ
ⵉⵍⵍⴰⵏ ⵜⵓⴱⵖⵔ, ⵜⴰⵃⵓⵕⵕⵉⵜ, ⵜⵉⵎⵕⵡⵉⵜ
ⵃⵎⴰ ⴰⴷ ⵙⵙⴳⴷⵍⵎ
ⴰⴽⴷ ⵓⵃⵏⵊⵉⵔ ⴷ ⵜⵃⵏⵊⵉⵔⵜ ⵏⵡⵎ.
ⴷⵊⴰⵎ ⴰⵃⵏⵊⵉⵔ ⴷ ⵜⵃⵏⵊⵉⵔⵜ ⵏⵡⵎ ⴰⴷ ⵙⵜⵉⵏ ⵜⵓⵜⵍⴰⵢⵜ ⵏⵉⵖ
ⵜⵓⵜⵍⴰⵢⵉⵏ ⵍⵍⵉ ⵔⴰⵏ ⴰⴷ ⵙⵙⵎⵔⵙⵏ ⴰⵛⴽⵓ ⵎⵉⵏ ⵉⵜⵀⵎⵎⴰⵏ ⴷ
ⴰⵎⵙⴰⵡⴰⴹ.

ⴰⵎⴳⵔⵓ “ⴰⵎⵏⴰⵡⴰⵢ, ⵎⴰⵕⵕⴰ” (ⵉⵎⴰⵔⴰⵡⵏ, ⵉⵙⵍⵎⴰⴷⵏ, ⵉⵙⵎⴰⵜⵜⴰⴳⵏ, ⵉⵎⵔⵣⵓⵜⵏ, ⵉⵎⵃⴹⴰⵕⵏ)
Le collectif « La diversité, ensemble » (parents, enseignants, formateurs, chercheurs, étudiants)

ⴰⵙⵓⵖⵍ ⵖⵔ ⵜⵎⴰⵣⵉⵖⵜ ⴷ ⵓⴳⵕⴹ: ⴱⵓⵛⵕⴰ ⵍⴱⵔⴽⴰⵏⵉ
Traduction vers l’amazighe et voix : Bouchra EL BARKANI


Vous aimerez aussi...

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

Rechercher dans OpenEdition Search

Vous allez être redirigé vers OpenEdition Search