La lettre en soninké

La lettre en soninké

La lettre en soninké

Publiée par Lettre aux parents confinés sur Jeudi 14 mai 2020
Bataaxe katta saaraano beenu ga xuxupen ŋa

O wa o kaanun noxo.
O d’o renmun ma domu kundu abada.
Sanne ya ni o na sefe i danŋa. O na sefe i danŋa taanu do wuci gabu ya diinanta waxati tana ya.
Sanne ya ni o na i terinka. O na i terinka taanu do wuci gabu ya diinanta waxati tana ya.
Sanne ya ni o na i tu moxosiri.
O d’o renmun nan sefe, munnafa xoore ya ni, kuudo na ke masibo dangindi doome : na me kiilun taaxundi, na me deema, na fi xoton ko me danŋa.
O d’o renmun nan sefe kuudo na i deema i xaranseerandi gollun ŋa : nan sefe lekolin do gollen kanma, nan sefe i hanminun do i kiteyun kanma, ken ya n’i deŋene kaane ke masibo noxon di, a do i nda saage katta xaran noqu ŋa !
Do xaranseeranden gollu dabarinden ŋa, o do o renmun wa sefene me danŋa.
Bire su leminun ra wa i saraanon tirindini i ga da fo be faamu, fo be neyen ga ni, fo be xoten ga ni xa.
O ra wa baaye, kawu, menjanŋe walla taxanlenma telefono kuudo na faamuye sire kita.
O ra wa ken ɲaana doome hari o sinmayen di o ga nt’a tu.
Xaranŋnundaanon wa seerandu newonton xayini leminun ŋa.
Xaranŋnundaanon wa seerandu xoton xa xayini leminun ŋa kuudo i do saaraanon na muurunde dabari i kanma, nan masala i kanma xa.
Dinmanu ya a xoten ya ni : baasin nta ken ŋa, i na ri golli ken kanma lekolin ŋa.
Xa da xa renmun tirindi gelli i ga da i faamu, hari i ga na ti « i ma fo wo fo faamu ».
Xa da xa haqirilan koyi i ya, xa muurundi doome.
O nta do xiimande, nxa nan sinme doome.
Saaraano beenu ga xanne konno fo be ga feti xanne be ga lekolin ŋa :
Nan sefe ni « na a ko, a do nan terinke », ken ni nan masala xanne di xanne be axa ga me faamunu.
Xannun su sirun ya ni, munnafan wa yi na an xannen ko an renmen danŋa.
Xannun sun baana katta nan tirindi, na a ko, na a neene, nan butu, na xiisanun ko, nan fatanfansi, nan soyi doome, ma nan sefe kundun ŋa tanni.
Xa do axa renmun nan sefe xanne, walima xannun di, newoyen do faamuyen ga kitene fi be di.
Xa da axa renmen wara a na xanne walima xannu sugandi fo ga liŋi a yinme danŋa, xannen nafan ni nan kati sefene ti a yi ya.

Jama : « La diversité, ensemble » (saaraano, xaranmoxonu, muurundaano, xaranlenxooro)


Vous aimerez aussi...

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

Rechercher dans OpenEdition Search

Vous allez être redirigé vers OpenEdition Search